Paroles Rollbrett de Bläck Fööss

Textes et Paroles de Rollbrett

1.
Dä kleine decke Dieter sät zo singem Pap
Pap ich muß e Rollbrett han
Weil mer met dem Dinge schneller
Vill schneller al op Rollschoh fahre kann
Nix, sät do d'r Pap
Do häs doch schon e Kettcar un en Carrerabahn
De Mam die jrad am Büjele wor
meint dat fange mer janit eets an

2.
Dä kleine decke Dieter hing am nächste Dach
Bei singem Pap im Hobbykeller drin
Un bovven en d'r Kösch fröch et Claudia de Mam
Mam, häs do ming Rollschoh nit jesin
Nä, sät do de Mam
Sach mer leever wo dat kleine Büjelbrett lit
Do röf d'r Dieter vun d'r Stroß erop
Ich han jet Neues Claudia fahr met

Ref:
Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

Bridge:
Met uns'em Rollbrett jöcke mer de Stroß eraf
Un jare links un rächs öm de Eck
Un wenn de ens de Kurv nit kriss
Dann lis de met d'r Nas em Dreck

Ref:
Komm loss jon, loss mer Rollbrett fahre jon
...

3.
De Mam kom volljepack vum Supermarkt heim
Do schoß dat Rollbrett öm de Eck
Met dem kleine Dieter un dem Claudia
De Mam, die wod janz stief vör Schreck
Paaf, do floch se dann
Met Eier, Äppel, Kappes un dem janze Meß
Ihr hat se wohl nit all, ich han de Nas jetz voll
Da saren ich dem Pap, dann jit et Reß

Ref:
Komm loss jon, loss mer Rollbrett fahre jon
...

Bridge:
Met uns'em Rollbrett jöcke mer de Stroß eraf
...

Ref:
Komm loss jon, loss mer Rollbrett fahre jon

C'était les paroles de Rollbrett
Voir les autres titres de Bläck Fööss.